Sübh olur, nuru günün qismət olur baxmayaraq
Qismətimdən qaçıram, xiffət olur baxmayaraq.
Səhv üzündən yox üzüm gül üzünü seyr eləyəm
Ki, üzrxahlığıma dəvət olur, baxmayaraq
Sevmişəm mən gecənin sadəcə səssizliyini
Bəxtimin eynisi tək zülmət olur baxmayaraq
Çox vəfasızdır o da, sübh açılarkən yox olur
Mənlə ta sübhədək həmsöhbət olur baxmayaraq
Nəfsə aludə olub, ömrümü verrəm badə
Onun islahına gər, möhlət olur, baxmayaraq.
Mahmuda söyləyəcək mən qalıram sən getdin
Qoca dünya özü bimürvət olur, baxmayaraq
0 Yorumlar