Kamal Hüseynzadə - "QƏZƏL"

Qəlb ismin əzizlər, necə ki, mavi dənizlər
Sahildəki boz qumları oxşar və əzizlər.
* * *
Hicran uzun olduqca, əzizim, bizim evdə
Üst-üstə şeirlər yığılır, sizdə cehizlər.
* * *
Gəzsən çəməni valeh olar hüsnünə güllər,
Əlvan kəpənəklər səni kölgən kimi izlər.
* * *
Sevdim, yaxın oldu o qədər ruhuna ruhum,
Bundan yaxın olmur ana bətnində əkizlər.
* * *
Könlümdə bütün sadə olanlar qəliz oldu,
Ömrümdə isə sadələşib getdi qəlizlər.
* * *
Dərk eylə, Kamal, birdəfəlik diz çökəcəksən
On yeddi dəfə dəyməsə hər gün yerə dizlər.